Katika mazoezi ya Mtibwa kutakuwa na sura kadhaa mpya wakiwemo mshambuliaji Rashid Mandawa ambaye amesajiliwa kutoka klabu ya Mwadui ya Shinyanga na beki wa kati Kassian Ponera ambaye msimu uliopita alichezea timu ya Ndanda ya Mtwara. Aidha katika usajili wetu, tumefanikiwa kuwaongezea mikataba wachezaji wetu kadhaa wakiwemo golikipa Said Mohamed na beki wa kati Salim Mbonde ambao walimaliza mikataba yao na walikuwa wakiwaniwa na timu mbalimbali.
Usajili unaendelea kwa umakini mkubwa chini ya Mwalimu Mayanga kuziba mapengo hususan kwenye eneo la kiungo ambako tumeondokewa na Mzamiru Yassin, Mohamed Ibrahim na Shiza Kichuya ambao wote wameenda Simba.
Chanzo: www.mtibwasugar.co.tz/
0 comments:
Post a Comment