Timu za Tanzania uso kwa uso robo fainali Kagame

Timu za Jamhuri ya Muungano wa Tanzania zinataraji kukutana zenyewe kwa zenyewe katika hatua ya robo fainali ya klabu bingwa Afrika Mashariki na Kati 'Kagame Cup' ambapo michezo yake itaanza kupigwa kesho (julai 23 mwaka huu) katika uwanja wa Taifa.

Azam FC, Simba SC, Yanga na Mafunzo ndizo timu kutoka Tanzania zilizotinga hatua hiyo, huku nyingine zikiwa ni APR ya Rwanda, URA ya Uganda, Atletico ya Burundi na mwalikwa AS Vital ya DR Congo.

Azam FC iliyotinga hatua hiyo kama kinara wa kundi B baada ya kutoa suluhu ya bila kufungana na Tusker iliyokuwa pungufu hapo jana watacheza na Simba SC iliyomaliza ya 3 katika kundi A., baada ya jana kulazimishwa sare ya goli 1-1 na AS Vital iliyomaliza wa kwanza.

Katika mchezo huo wa jana Simba SC walipoteza penati kupitia kwa Felixs Sunzu katika dakika ya mwisho wa mchezo, huku goli lao la kusawazisha likifungwa na Haruna Moshi Boban katika kipindi cha pili.

Yanga walio maliza wa pili katika kundi C watacheza julai 23 dhidi ya Mafunzo iliyomaliza wa pili kundi B.


RATIBA YA ROBO FAINALI KAGAME
JULAI 23
URA Vs APR
YANGA Vs MAFUNZO

JULAI 24
AS VITAL Vs ATLETICO
SIMBA SC Vs AZAM FC

SHARES

Share

Pin it

Tweet

Share

Share

Share

Buffer

Print

About kj